काठमाडौं , वैशाख २९ गते । अभि सुवेदीले लेखेको नाटक ‘यो कुनै बास हो एक’को मञ्चन थिएटर मलमा
भइरहेको छ। यो एकल काव्यात्मक नाटकमा सुष्मा कोइरालाको अभिनय छ।
![](http://www.pahilopost.com/assets/upload/images/d706b8dd-59ed-4543-94d6-3112761bebea.jpg)
नाटककार बालकृष्ण समप्रति समर्पित गर्दै उनकै निवासको नामबाट नाटकको नाम राखिएको हो। समको निवासमा एक नारीले उनका नाटक र पात्रहरुलाई स्मरणमा गर्दै गरेको विश्लेषणमा कोइरालाको अभिनय बोझिलो लाग्दैन।
एक घण्टाभित्र एकैजना कलाकारले विभिन्न पात्र र मुद्रामा अभिनय दिनु नाटकको मूल आकर्षण हो। यसअघि सुष्माले सुवेदीद्वारा लिखित ‘बिम्वाका सपना’मा पनि एकल अभिनय गरेकी थिइन्। यसमा सुष्मा दिवासाको रुपमा देखिएकी छिन्।
![](http://www.pahilopost.com/assets/upload/images/718f3f85-01f9-470c-bde7-9f046f6607b4.jpg)
वैशाख २० गतेदेखि मञ्चन थालिएको नाटक जेठ ४ गतेसम्म चल्नेछ। नाटक बुधबारबाहेक हरेक साँझ साढे ५ बजे मञ्चन हुँदै आएको थिएटर मलका नाट्यकर्मी तथा कला निर्देशक केदार श्रेष्ठले बताए। नाटकलाई घनश्याम श्रेष्ठले निर्देशन गरेका हुन् ।
![](http://www.pahilopost.com/assets/upload/images/0942ba2a-5676-4c86-aa54-b8b7e2bcc8a8.jpg)
- पहिलो पोस्टबाट
Post a Comment