काठमाडौ , वैशाख २८ गते । पानामा पेपर्सले सोमबार राति सार्वजनिक गरेको अफसोर कम्पनी भएका सात नेपालीको नाम सार्वजनिक गरेको छ ।
अन्तर्राष्ट्रिय खोज पत्रकार समुह (आइसिआइजे) ले सार्वजनिक गरेको दोस्रो चरणको नामावली सूचीमा नेपालका उपेन्द्र महतो, अरूणकुमार चौधरी, सुभांश कुमार चौधरी, करन कुमार चौधरी, शिला चौधरी, उमा देवी सिंहानिया र नवयुग डोल्माको नाम सार्वजनिक गरिएको छ ।
पनामा पेपर्सले सार्वजनिक गरेका नेपालीहरुको सूचिमा गैर आवासीय नेपाली संघ (एनआरएन) का संस्थापक अध्यक्ष उपेन्द्र महतोदेखि चौधरी ग्रुपका अरुणकुमार चौधरीसम्म परेका छन् ।
पेपर्समा जनाइए अनुसार महातोले ब्रिटिश भर्जिन आइल्यान्डमा दर्ता गरिएका दुई कम्पनी मार्फत ट्याक्स हेभेनमा खाता खोलेका थिए ।
यस्तै चौधरी ग्रुपका अरुणकुमार चौधरीले उसाइन लिमिटेडमा सेयर होल्ड गरेको तथ्य पनामा पेपर्सले सार्वजनिक गरेको छ । सोही कम्पनीमा शीला चौधरी, करणकुमार चौधरी र सर्वशकुमार चौधरी पनि सेयर होल्डर रहेको जनाइएको छ ।
पनामा पेपर्सले सार्वजनिक गरेको उक्त तथ्य अनुसार सो कम्पनी ब्रिटिश भर्जिन आइल्याण्डमा दर्ता भएको देखाइएको छ भने ठेगना भने बेलायतमा राखिएको छ ।
यसैगरी चौधरीको घर दक्षिण अफ्रिकामा रहेको देखाइएको छ ।
Post a Comment