रातो मच्छिन्द्रनाथको रथयात्रा आजदेखि

काठमाडौं, वैशाख २८ गते  । ललितपुरमा मंगलबारदेखि रातो मच्छिन्द्रनाथको रथयात्रा सुरु हुँदैछ । रथयात्राको पहिलो दिन मच्छिन्द्रनाथको रथलाई दिउँसो ४ बजेतिर पुल्चोकबाट तानेर गाबहालमा पुर्‍याइनेछ ।

 यसभन्दा अघि मच्छिन्द्रनाथको रथ अघिपछि लगाएर तानिने मीननाथलाई पाटनको टंगलमा निमार्णाधिन रथमा रथारोहण गरिनेछ । 
मिननाथको रथलाई टंगलबाट तानेर पुल्चोक पुर्‍याएपछि मात्र रातो मच्छिन्द्रनाथको रथलाई मिननाथको रथ पछि लगाएर पुल्चोकबाट तानिने परम्परा छ ।
 मिननाथको रथ गाबहाल पुगेपछि भने मच्छिन्द्रनाथको रथको पछाडि राखेर तान्ने चलन छ । मंगलबार गाबहालका स्थानिबासिन्दाले छवयाभू मनाइरहेका छन् ।