प्राधिकरणले अघोषित रुपमा लोडसेडिङ बढायो

काठमाडौं, वैशाख २२ गते ।  नेपाल विद्युत प्राधिकरणले अघोषित रुपमा लोडसेडिङको समय बढाएको छ । प्राधिकरणले यसअघि दैनिक भइरहेको समयमा थप एक/दुई घण्टा अघोषित रुपमा लोडसेडिङ बढेको हो । सोमबारदेखि लोडसेडिङ बढेपनि प्राधिकरणले नयाँ तालिका सार्वजनिक गरेको छैन । अघोषित रुपमा लोडसेडिङ बढ्दा उपभोक्तालाई सास्ती भएको छ । सुख्खा र खडेरीले नदीमा पानीको सतह घटेको र तराईका जिल्लामा अत्यधिक गर्मी बढ्दा विद्युतको उत्पादन र वितरणमा भार परेको प्राधिकरणले जनाएको छ । प्राधिकरणका अनुसार अहिले तराईका जिल्लालाई लक्षित गरी विद्युत वितरण त्यसतर्फ बढाइएको छ । हिउँ पग्लन सुरु भएको भन्दै यही महिनादेखि लोडसेडिङ घटाउने तयारी गरे पनि खडेरीले थप समस्या भएको प्राधिकारणको भनाई छ ।